कोविडमुळे पालकांचे छत्र हरविलेली मुले, पती गमावलेल्या महिलांना नवी मुंबई महापालिकेची मदत

Share Now To Friends!!

<p><strong>नवी मुंबई :</strong> कोविडच्या पहिल्या व दुसऱ्या लाटेचा तडाखा मोठ्या प्रमाणावर बसलेला असून त्यामध्ये काही नागरिकांचा दुर्दैवी मृत्यू झालेला आहे. अनेक कुटुंबांमध्ये आई व वडील असे दोन्ही पालक अथवा त्यापैकी एका पालकाचा मृत्यू होऊन मुले अनाथ झालेली आहेत. कोविडमुळे पतीचा मृत्यू झाल्याने त्याच्या पत्नीला कौटुंबिक व आर्थिक हानीला आकस्मितरित्या सामोरे जावे लागलेले आहे. त्यामुळे त्यांचे भवितव्य अंध:कारमय होण्याची शक्यता निर्माण झाली आहे.</p>
<p>अशा अनाथ बालकांची तसेच कोव्हीडमुळे पतीचे आकस्मिक निधन झालेल्या महिलांची भावनिक व वैयक्तिक हानी भरून निघणे अशक्य आहे. अशी बालके व महिला या शिक्षण, रोजगार व आर्थिकदृष्ट्या स्वावलंबी होण्याच्या दृष्टीने तसेच त्यांना सन्मानाने जगता यावे यासाठी कल्याणकारी योजनांची अंमलबजावणी करण्यास महानगरपालिकेने सुरवात केली आहे. महापालिका आयुक्त अभिजीत बांगर यांनी चार कल्याणकारी योजनांची घोषणा केली आहे.<br />&nbsp;<br />कोविडमुळे दोन्ही पालक किंवा एक पालक गमावलेल्या मुलांच्या संगोपनाकरिता अर्थसहाय्य जाहीर केलं आहे. सदर योजनेनुसार, बालक अठरा वर्ष पूर्ण करेपर्यंत दरमहा मिळणाऱ्या अर्थसहाय्यास पात्र राहील.&nbsp;</p>
<p><strong>दोन्ही पालक गमावलेल्या बालकास अर्थसहाय्य-</strong><br />वय वर्ष 0 ते 5 – रु. 2000 प्रतिमहा<br />वय वर्ष 6 ते 10 – रु. 4000 प्रतिमहा<br />वय वर्ष 11 ते 18 – रु. 6000 प्रतिमहा</p>
<p><strong>एक &nbsp;पालक &nbsp;गमावलेल्या बालकास अर्थसहाय्य-</strong><br />वय वर्ष 0 ते 5 – &nbsp; रु. 1000 प्रतिमहा<br />वय वर्ष 6 ते 10 – &nbsp;रु. 2000 प्रतिमहा<br />वय वर्ष 11 ते 18 – रु. 3000 प्रतिमहा</p>
<p>कोविडमुळे दोन्ही पालक गमावलेल्या 18 ते 21 वयोगटातील बेरोजगार युवक, युवतींकरिता शैक्षणिक बाबी वगळून इतर बाबींच्या खर्चासाठी 50 हजार रुपये प्रतिवर्ष &nbsp;अर्थसहाय्य जाहीर करण्यात आलं आहे.</p>
<p>कोविडमुळे पतीचे निधन झालेल्या महिलेस एक रक्कमी 1.50 लाखाचे अर्थसहाय्य मिळणार आहे. सदर &nbsp;महिलेस स्वयंरोजगारासाठी, व्यावसाय सुरू करण्यासाठी संपूर्ण हयातीत एकदाच एक लाख रूपये देण्यात येतील.&nbsp;</p>
<p>या योजनांठी सादर करावयाची कागदपत्रे तसेच इतर अनुषांगिक माहिती नवी मुंबई महानगरपालिकेची वेबसाईट उपलब्ध करुन देण्यात आली आहे.&nbsp;</p>
<p><strong>महत्वाच्या बातम्या :&nbsp;</strong></p>
<ul>
<li><a href="https://marathi.abplive.com/news/maharashtra/maharashtra-corona-delta-variant-restrictions-tightened-again-in-state-rules-will-be-changed-from-monday-orders-issued-992288"><strong>Maharashtra Lockdown : सोमवारपासून दुपारी चारनंतर महाराष्ट्र बंद! अनेक शहरं आणि जिल्ह्यांमध्ये निर्बंध कडक- कुठं काय सुरु, काय बंद…&nbsp;</strong></a></li>
<li><a href="https://marathi.abplive.com/news/maharashtra/maharashtra-corona-cases-8-752-patients-discharged-today-9-812-new-cases-in-the-state-today-1-21-151-active-cases-992309"><strong>Maharashtra Corona Cases : राज्यात कोरोना रुग्णसंख्या पुन्हा वाढतेय; कोल्हापूर हॉटस्पॉटच्या मार्गावर</strong></a></li>
<li><a href="https://marathi.abplive.com/news/mumbai/see-the-beauty-of-lonavla-khandala-ghat-without-hindrance-now-vistadom-coach-with-deccan-express-992338"><strong>लोणावळा, खंडाळा घाटाचे सौंदर्य पहा विना अडथळा, डेक्कन एक्सप्रेससोबत आता विस्टाडोम कोच&nbsp;</strong></a></li>
</ul>

Source link


Share Now To Friends!!

Leave a Comment