रश्मी शुक्ला यांच्यावर सदोष मनुष्य वधाचा गुन्हा दाखल करण्याची मागणी

Share Now To Friends!!

<p style="text-align: justify;"><strong>पुणे</strong> : गेल्या काही दिवसांपासून अडचणीत सापडलेल्या पोलीस अधिकारी रश्मी शुक्ला यांच्यावर सदोष मनुष्य वधाचा गुन्हा दाखल करण्याची मागणी पुण्यात करण्यात आलीय. काँग्रेस आमदार&nbsp;हरिभाऊ राठोड यांच्यासह निलंबित पोलीस शिपाई दिनेश राठोड यांनी पत्रकार परिषद घेत ही मागणी केली आहे. शुक्ला या पुणे शहर पोलीस आयुक्त असताना ठाण्याच्या अंजली कुलकर्णी यांच्या तक्रारीवरून पोलीस शिपाई दाम्पत्य राठोड यांना निलंबित केलं होतं. एव्हरेस्ट सर केल्याचे प्रमाणपत्र असताना कारवाई झाली होती असा दावा निलंबित पोलीस राठोड यांनी केला आहे.&nbsp;</p>
<p style="text-align: justify;">राठोड यांना एका दिवसाच्या आत घर खाली करायला लावले होते. त्यावेळी राठोड दाम्पत्यच्या लहान बाळाचा मृत्यू झाला होता. त्यांच्यावर अनेक आरोप होत असताना त्यांनी अनेक गैरकृत्य केले आहे. रश्मी शुक्ला या दोषी आहेत, खुनी आहेत, त्यांच्यावर कारवाई झाली पाहिजे अशी मागणी माजी खासदार राठोड यांनी केली आहे. शुक्ला यांच्यासह माजी पोलीस निरीक्षक धनंजय धुमाळ यांचेवरही कारवाई करावी. धुमाळ हे ATS चा पोलीस होता. त्यावेळी त्याने खंडणी माघीतली होती. तरी त्या दोघांवरही कारवाई झाली पाहिजे, अशी मागणी करण्यात आली होती.</p>
<p style="text-align: justify;"><strong>याअगोदरही शुक्ला यांच्यावर आरोप</strong><br />पुण्याच्या पोलिस आयुक्त असताना रश्मी शुक्ला पोलीस निरीक्षक धनंजय धुमाळ यांच्यामार्फत खंडणी गोळा करण्याचे काम करायच्या, असा आरोप काँग्रेस आमदार&nbsp;हरीभाऊ राठोड यांनी केला आहे. धुमाळ 2016 मध्ये एटीएसमध्ये कार्यरत असताना त्यांना प्रॉपर्टी सेलमध्ये कार्यरत असल्याचे दाखवत रश्मी शुक्ला यांच्यासाठी खंडणी वसुलीचे काम केल्याचा आरोप राठोडांनी केला आहे. हे प्रकरण गंभीर स्वरुपाचे असतानाही धुमाळांवर कोणतीही कारवाई झाली नाही. त्याचसोबत हे सर्व प्रकरण त्यावेळचे तत्कालीन मुख्यमंत्री देवेंद्र फडणवीस यांना माहित होते. त्यांनीच हे सर्व प्रकरण रफा-दफा केल्याचा आरोप राठोडांनी केला.</p>
<p style="text-align: justify;"><strong>धनंजय धुमाळांवर कोणतीही कारवाई नाही</strong><br />राठोड म्हणाले, पोलीस अधिकारी रश्मी शुक्ला यांनी पोलीस निरीक्षक धनंजय धुमाळ यांना निलंबित केल्याचं मीडियासमोर सांगितलं होतं. मात्र, माहितीच्या अधिकारात धनंजय धुमाळांवर कोणतीही कारवाई आतापर्यंत झाली नसल्याचं उजेडात आलं आहे. धुमाळ निवृत्त होण्यापूर्वीच त्यांना स्वेच्छानिवृत्ती मंजूर करण्यात आली आहे. हे प्रकरण माध्यमांसमोर आल्यानंतर रश्मी शुक्ला यांनी धुमाळ यांचे निलंबन केल्याचं म्हंटलं होतं. त्याचसोबत सदर फुटेजची सीडी फॉरेन्सिक लॅबला पाठवत त्यासंबंधी शहानिशा करु असं देखील म्हंटलं होतं. मात्र, यातील एकही गोष्ट शुक्ला यांनी केली नाही.</p>
<p style="text-align: justify;"><strong>काय आहे प्रकरण?</strong><br />2016 साली पुण्यातील एक बांधकाम व्यावसायिक संदीप जाधव यांना तत्कालीन पोलीस निरीक्षक धनंजय धुमाळ यांनी 25 लाखांच्या खंडणीची मागणी केली होती. याप्रकरणी, जाधव यांनी व्हीडिओ क्लिप काढत धुमाळ यांची तक्रार केली होती. मात्र, याप्रकरणी तत्कालीन पुणे पोलीस आयुक्त रश्मी शुक्ला यांनी कारवाई केली नव्हती. ही व्हीडिओ क्लिप माध्यमात आल्यानंतर माध्यमांनी हे प्रकरण चांगलंच लावून धरलं होतं.</p>

Source link


Share Now To Friends!!

Leave a Comment